Ավետիք Իսահակյան

Անհուն երկնում աստղերն անշեջ, Գիտե’մ, շա˜տ են ինձ սիրում. Վարդ – արշալույսն ամպերի մեջ Ամենից շուտ ինձ է գըրկում. Ե՛ս էլ, ե’ս էլ ձեզ իմ սըրտում Գըրկած, պատած պաշտում եմ. Դուք իմ սերն եք, իմ ընկերն եք, Ես ձեր երգող շողիկն եմ: – Ա˜խ, մենք շա˜տ խորն ենք, Շատ բա˜րձր ու պայծառ. Եվ մեզ համար…

Ապրում եմ մենակ, մարդկանց մեջ օտար, Նրանց աչքերը ինձ չեն ողջունում. Մարդկանց սըրտերը փակ են ինձ համար Եվ նրանց հոգին ձայնըս չի լսում… Իմ ընկերները – իմ խոր մըտքերն են, Որ վեհ թևերով անհունն են պատում. Այն վառ աստղերը – գըթոտ աչքերն են, Որ վըշտիս ժամին ինձ քաղցր են ժպտում… 1894 Լայպցիգ

Անտուն գիշերներ Անտուն գիշերնե˜ր, Անքուն գիշերնե˜ր, Քուրի’կ, քեզ համար, Այրված քո սիրով, Կարոտիդ հըրով, Ես շա’տ լացեցի, Ես շա’տ տանջվեցի – Անտուն գիշերնե˜ր Անքուն գիշերնե˜ր… 1893

Ա˜խ, ուռենի, վշտիս ընկե՛ր, Գթոտ երկրի հառաչանք. Սփռիր վերաս դողդոջ ստվեր Անհույս սրտիս սփոփանք: Անամպ երկի՛նք, սիրուն գիշե˜ր, Լուսնի շողե˜ր ու աստղե˜ր. Ես տխուր եմ, սփոփեցեք Մռայլ սիրտս վշտաբեկ: 1892 Էջմիածին

Անհուն եթերից, աստղի’կ լուսափայլ, Երբ դու տեսնում ես մեր ոչնչություն, Երկրային կյանքի խավարն ու մըռայլ, Անմեղ զոհերի հառաչն ու արյուն,- Նըսեմանում է հայացքըդ փայլուն, Ճնշում է և’ քեզ թախիծ դառնագին, Դու աղոթում ես և լուռ արտասվում. -Օ˜, նախանձում եմ ես քո արցունքին: 1891 Էջմիածին

Արևն իջավ սարի գըլխուն, Դար ու դաշտում լույս չըկա. Հավք ու թըռչուն մըտան խոր քուն, – Ա˜խ, ինձ համար քուն չըկա: Լուսնյակն ընկավ երթիկից ներս, Կըշեռքն ելավ երկընքում, Զով հովերն էլ մըթընշողես Աստղերի հետ են զըրցում: Սիրո՛ւն աստղե˜ր, անուշ հովե˜ր, Յարըս ո՞ւր է` էս գիշեր. Պարզ երկընքի նըխշուն աչե՛ր, Յարիս տեսա՞ք էս գիշեր: Լուսը բացվավ,…

Ամեն գիշեր իմ պարտեզում Լալկան ուռին, հեզ ուռին Վշտատոչոր լաց է լինում, Լաց է լինում իմ ուռին: Եվ սըրբում է առավոտու Կույս արևը նազելի Հուր ծամերով հեգ ուռենու Արցունքները բյուրեղի… 1891 Ալեքսանդրապոլ

… Ա~խ, ասացին ինձ, թե մեռել ես դու, Մեռել ես վաղուց, մայրի’կ, իմ հոգիս… Մեռել ես, չըկաս… Ծածկել է հավետ Անհուն խավարը դեմքըդ թախծանուշ. Ու հող ես դառնում… Ավա~ղ, այսուհետ Քեզ չեմ տեսնելու, մայրի’կ իմ քնքուշ… Սակայն հանապազ, ինձ հետ անբաժան` Մի անհայտ տեղից, ինձ այնպես մոտիկ, Գիշեր ու ցերեկ, ու ամեն մի ժամ, Ամեն…